Nieuwsbericht

23dec Wie wensen joe schiere feestdoagen!

Twijdoezendzestien (2016) zit der zowat op. Het Huis van de Groninger Cultuur slut t joar òf. t Ofgelopen joar is der veul overleg wèst mit t Bureau Groninger Taal en Cultuur, we zellen aal meer soamenwaarken goan. Ie hemmen der vast al wat over lezen ien kraant. Toaken zellen verdaild worden, gain dubbel waark doun. Zo kin de Grunneger toal en cultuur nog beder bedaind worden.

Op t lest van dit joar het t Grunnegs der, noa t stoppen van Krödde, weer n nij literair Grunnegs tiedschrift bie: Oader. Te lezen via www.oader.nl. Webloug is der ook nog aal en wordt aal meer n stee woar alles wat mit Grunneger toal te moaken het soamenkomt: www.webloug.nl.

Lees over Grunneger tradities en gebruken op www.levenderfgoedgroningen.nl. Om ien kersttemmen te kommen binnen der n verhoalen over midwinterhoornbloazen en over de traditionele kerstboom ien mast van schip.

Vergeet nait ien te sturen veur Pervinzioale Grunneger Schriefwedstried 2017, as ie oardeghaid aan schrieven hemmen. Lees der alles over op www.huisvandegroningercultuur.nl. Verder binnen wie vanzulf drok aan loop veur Dag van de Grunneger toal op 18 meert.

Het Huis is eerst tot 2 jannewoarie even dicht, net as Webloug. Wie wensen joe haile schiere feestdoagen en wie zain joe, laifst gezond en wel, weerom ien 2017.

Terug naar nieuwsoverzicht