Pergram 2017

15:10 uur 15:50 uur Meziek - Harry Niehof & Groot Grunneger Band

Singer-songwriter Harry Niehof (Middelstum, 1954) is al vanòf joaren zeuventeg ien de Grunneger muziekscene actief. Tot 2002 speulde hai ien bands as Rave-On, Dead Rabbits, Splitsing, The Happy Few?, Mumbo Jumbo, Sugar Boy Harry and the Race en Superfly. t Album Broken Line, schreven deur Harry Niehof, wordt oetbrocht onder de noam Sugar Boy Harry. Vanòf 2002 gaait Niehof onder zien aigen noam optreden mit Engelstoalege nummers.

Vandoag de dag zingt Harry Niehof ien t Grunnegs. Soamen mit Los Bomberos nemt hai de ploat Cuba-Blues op woar vaaier nummers van Niehof op te heuren binnen. Zien eerste aigen Grunnegstoalege cd Altied Onderwegens komt oet ien 2005. Ien 2007 verschient t album Straks is t weer janken, woarmit hai de Streektaalprijs 2007 wint. Noa de ploat Golf noa Golf ien 2010 verschient ien 2014 n nij album van Harry Niehof mit de noam Twijduustern. t Album wordt nomineerd veur de Streektoalpries.

Ien 2016 is hai knap succesvol mit zien viefde Grunnegstoalege album 'Café op Driefklaai'. Hai krigt lovende kritieken ien de pers en mit drij nummers van dit album hoalt hai de Noord 9. t Nummer 'De Rimpeling' behoalt de nummer 1-positie en op t lest n 3e stee ien t joaroverzicht van 2016. Ien 2017 gaait de joarliekse muziekpries van RTV Noord, de Grunny, noar Harry Niehof.

Harry Niehof slut d'achtste Dag van de Grunneger toal òf mit n biezunder optreden. Specioal veur dizze dag stelt hai n unieke groep muzikanten soamen, mit onbekende en bekende noamen oet de Grunneger muziekscene.

http://www.harryniehof.nl/

Terug naar programma