Pergram 2017

13:30 uur 14:10 uur Erik Bulthuis & Peter Krabbenbos - Babbeleguuchies

Foto: Marjan Naaijer Foto: Marjan Naaijer

Foto: Albert Hidding Foto: Albert Hidding

Peter Krabbenbos en Erik Bulthuis hebben kander kennen leerd tiedens de cursus dramaspecialist veur leroaren ien t leger onderwies. Baaident hebben waarkt ien t onderwies en soamenspeuld ien “Adriaan en Olivier”, n openluchtveurstellen oet 2002 mit de Grunneger börgen as decor. Sunt din is de soamenwaarken allinneg mor intensiever worden. Peter holdt van muziek en theoater, Erik holdt van theoater en muziek. Peter as gitarist bie onder meer Bluesdaddy’s en Scratchwood en Erik as acteur bie onder meer WAARK (Haardloper Huzengoa en H.N. Werkman). Zai hebben soamen verschaaiden (kiender-) veurstellingen moakt.

Op t programma speulen de twij heren enkelde fragmenten oet heur leste veurstellen “Babbeleguuchies”. Veurstellen bestaait oet Grunnegstoalege laidjes en stukjes woarbie de tegenstellingen en misverstanden ien toal en cultuur tussen t Westen en t Noorden n grode rol speulen. Doarnoast wordt, mit n knipoog, ook de aandacht vestegd op oardbevingsproblematiek m.b.t. de NAM.

Foto: Albert Hidding Foto: Albert Hidding

Terug naar programma