Peter Tholen

Peter Tholen is geboren ien 1949, ien t Oosterpark. Noa zien schoultied aan de ‘Witte Schoule” verschoof zien blik wat wieder noar boeten. Peter hoalde zien Mulo-B diploma aan de Prinsenhof-Ulo aan de Schoolstraat. Aan de Oliemuldersweg was dat hail wat doudestieds, zien vrienden haren t over ‘de professor’. t Kadaster was Peters belangriekste waarkgever tot 1992, woar hai taikenoar, landmeter en ruilverkoaveloar was. Ien 1983 verhoesde Peter met zien vraauw Dineke van Lewenborg noar Eelde. Peter waarkte wieder bie de Inspectie Milieuhygiëne, loater de VROM-inspectie, en startte doarnoa zien aigen (advies-) ‘bureau handhaving’. Noa n omschoulen tot kunstenoar sloagde Peter ien maai 2014 veur t diploma van Vrij Beeldend Kunstenaar aan de Klassieke Academie veur Beeldende Kunst ien Stad. Van dou òf aan schildert hai doaglieks mit hail veul plezaaier. Hai holdt ook genog tied over veur t schrieven en vertellen van verhoalen en veur n biedroage as verslaggever aan t Eelder Weekblad Dorpsklanken.