Finale Pervinzioale Grunneger Schriefwedstried

Na voorrondes in alle Groninger (cluster)gemeentes vond op vrijdag 15 juni in de Statenzaal van het Provinciehuis de finale plaats van de 12e Pervinzioale Grunneger Schriefwedstried. De Schriefwedstried werd georganiseerd door Bibionet Groningen, de Groninger gemeentes, de Stichting Grunneger Toal en het Huis van de Groninger Cultuur. In een overvolle zaal (200 mensen) reikte de voorzitter van de Stichting Grunneger Toal, Kor Dijkstra (burgemeester Grootegast) de prijzen uit aan de volgende winnaars:

• Gedichten, jongeren
• 1e prijs - Tessa Banberg en Rienke Feitsma uit Stedum met Wat n gerotzooi weer!!
• 2e prijs - Jacoliene Smits uit Nieuw Roden met Verlaifd
• 3e prijs - Bienke Strootman uit Haren-Ems (Duitsland) met Wat ik wil..
• Verhalen, jongeren
• 1e prijs - Jur Sander uit Nieuwolda met De eerappelverkoper van t Hammerk
• 2e prijs - Linda van Leeuwen uit Appingedam met Noodkreet
• 3e prijs - Mettina Bleker uit Vlagtwedde met Dat biezundere verhoal
• Gedichten, volwassenen
• 1e prijs - Aly Frije uit Groningen met Weerom
• 2e prijs - Hero Bosker uit Delfzijl met n Zummeroavend ien volle moan
• 3e prijs - F.G. Croeze-van Til uit Appingedam met Oldske
• Verhalen, volwassenen
• 1e prijs - Jurrien Veenstra uit Haren met n Roare boeskool
• 2e prijs - Karin Musch uit Froombosch met Schoamte
• 3e prijs - H. Perdok uit Appingedam met Pioano

JURYRAPPORT PERVINZIOALE SCHRIEFWEDSTRIED 2007

Noa ale veurrondes kreeg jury de prieswinnoars oet Stad en Ommelaand binnen.Wie hemmen mit genougen de ienzonden teksten lezen. Man, wat moaken dij Grunnegers n bult mit! Of aans himmen ze wel n haile dikke doem. En mooi dat ze dat ien heur aigen toal, t Grunnegers, zo goud opschrieven dat n aander der ook nog plezaaier aan beleven kin. t Was tiedens vergoadern bie tieden knap lasteg om te bepoalen wel welke pries kriegen zol, en wie vienden t schane van de verhoalen en gedichten dij boeten de priezen vallen binnen, want der was zoveul moois bie.
Mor Jury het oetindelk flink deurpakt en dit is de oetslag:

Gedichten jongern

3e pries: Bienke Strootman - 'Wat ik wil'

Deur zukke toukomstdreumen wordt t alledoagse spannend en ze levern ien dizze vörm n hail mooi gedicht op. Jury kreeg der glad honger van, en zegt volg je dreumen!

2e pries: Jacoliene Smits - 'Verlaifd'

n Gedicht recht oet t haart van de schriefster, der zit veul veul bewegen ien t gedicht, net zo onrusteg as de stoat van verlaifdhaid zulf.

1e pries: Tessa Banberg & Rienke Feitsma: 'Wat n gerötzooi weer!!'

t Gedicht is ritmisch goud, t lopt lekker. Alles ien t gedicht het zien weerde; der zitten gain stoplappen ien. Der is lekker lös mit riem omgoan. n Haile dag ien ain gedicht, dat is hail knap doan. Mor ze hemmen der din ook mit zien baaidend aan schreven!

Verhoalen jongern

3e pries: Mettina Bleker - 'Dat biezundere verhoal'

n Verhoal vol van laifde veur n jong eendje dij zien moeke kwiet is en deur n kiend grootbrocht wordt. Genoeg laifde om ook te waiten dat ze t eendje weer lösloaten mot as moeke-eend weer terugkommen is. Grappige zinnen kommen der ien t verhoal omdat t eendje 'Winter' neumd is. Bieveurbeeld: "Ik leer Winter vlaigen'.

2e pries: Linda van Leeuwen - 'Noodkreet'

Sums is t leven veur kiender zo onvaaileg en gevoarlek dat t n hel veur ze wordt. De schriefster van dit verhoal het heur verploatst ien n wichtje van 10 joar dij n pa het dij zien agressie op zien vraauw en kiender botviert. Zai het heur hail goud ienleven kind ien de angst en de ainzoamhaid van zo'n kiend.

1e pries: Jur Sander - 'De eerappelkoper van t Hammelk'

Dizze winnoar het veul talent veur t schrieven. Hai het veul fantasie en schrift dat op ien hail mooi Oldamsters. De twij-toaleghaid (Grunnegs en Nederlands) ien t verhoal is hail grappeg.
t Onderwaarp is hail biezunder: ain eerappel dij ien zien aintje n haile moag vult. t Is zo goud opschreven dat je t zunder meer geloven.

Gedichten Oldern

3e pries: F.G. Croeze-van Til - 'Oldske'

Dit gedicht is n klaain miniatuurtje mit de kracht van n groot verhoal. t Is noar t leven schetst. Leven dat veur olde minsen nait altied even makkelk is, mor t wordt naargens kweer. t Heden glidt as vanzulf aaldeur vot ien t verleden.

2e pries: Hero Bosker - 'n Zummeroavend ien volle moan'

n Mooi goud lopend gedicht mit staarke natuurschilderingen. Kaalm en bedachtzoam, zoas n zummeroavend joe miemern loaten kin. Wie werden der zulf haildaal rusteg van.

1e pries: Aly Freije - 'Weerom'

'Stiekom weerom wied wied ien tied' asof t aiglieks nait mag van de dichter zulf. Zai sloept ien gedachten de stallen weer ien. De beelden binnen der nog, mor de geuren de geluden en t licht binnen nait meer weerom te denken. Hail even worden de beelden hoast tastboar, tot deur t geluud van nou alles oetwist.
n Secuur opbaauwd gedicht, mit mooie staarke beelden. Lezer wordt mittrokken en vuilt hom net zo onthand mit de schoamele herinnerns. Meer blift ter nait over van t verleden. En t heden trekt joe alweer bie kop en kont noar dag van nou. Dit is n dichter.

Verhoalen Oldern

3e pries: H. Perdok - 'Pioano'.

n Verhoal mit struktur van n goie vertellen, kortom, t is goud schreven. de schriever is ien stoat west ien kort bestek t verhoal te schrieven van n verbitterde man en zien pioano. Hai het nait veul woorden neudeg om ons genoeg te vertellen over t verleden en hai knupt ter nog n bizar heden aan vaast. Ook de grimmege stoat van t olde hoes wordt goud beschreven.

2e pries: Karin Musch - 'Schoamte'

n Aigentieds verhoal. t Toalgebruuk is degelk en onderkould. t Verhoal is hail beeldend schreven. Lezer leeft mit, en vuilt gewoon de schoamte van de moe tegenover heur dochter. t Is mit veul humor en zulfspot opschreven. Herkenboar veur elk en ain dij pubernd jonkgoud ien hoes het: t stekt ja apmoal zo naauw. Olders monnen kiender din nait te veul ien weeg lopen en veuraal nait ien pyama en op pantovvels ien disco's op zuik goan noar dochters.

1e pries: Jurrien Veenstra - 'n Roare boeskool'

Dit is n verhoal van n rassschriever, goie dialogen vanoet de verschillende karakters. Personen worden van vlees en bloud deur hail klaaine aigenoardegheden eefkes te neumen en deur de goie dialogen. Dizze man het n mooie stijl van schrieven en is ien stoat van standpunt te verandern. De boog blift deur t haile verhoal gespannen, naargens binnen der loze opvullens. Mooie, hoast tastboare, beelden worden lezer tussendeur veurzet, zo oet lözze haand liekt t wel. Der is n schitternd absurd leste dail en n ontnuchternd ind. Elk en ain is verbiesterd, lezer ook. t Verhoal pakt joe vanof t begun beet en loat joe ien ain klap aan t ind weer lös.

De prijswinnaars in beeld

Groninger Cultuurnieuws

Webloug veur en over Grunneger Toal

Moi,
Wie willen joe ook via dizze weg weer ais op de höchte stellen vann nij initiatief veur de Grunneger Toal:...

KLUNDERLOA

Oproep basisscholen: Doe mee aan de prijsvraag en win een streektaal boekenpakket



Sinds...

Grunneger Schriefwedstried 2012

Veur aal dij lu dij de slinger hebben aan schrieverij in dicht of verhoal in Grunneger Toal

Ook dit joar...

• Naar het nieuwsarchief
• Aanmelden RSS Nieuwsfeed